اشعار استقبال از محرم به زبان ترکی

دوتوب ماتم بو آي پيغمبر آغلار
دير زهرا حسين واي حيدر آغلار

باتوب ياسه بـو آيدا کون و امکان
چيخوب عرشه بو آيدا داد و افغان

اولون شيعه بـو آيـدا سيزده نالان
بـو ماتــم‌‌ده بتــول اطهر آغلار

گرک شيعه بو غمده داده گلسون
ويروب سس زينبه امداده گلسون

دمـادم آغليـوب فريــاده گلسون
بو غمده يئرلر آغلار گؤيلر آغلار

تؤکر صاحب زمان قانياش عذاره
يئتـر غـم دمبـدم اول دلفــگاره

گلـر شوريلـه هــر دم آه و زاره
مدام اوز جدينّه اول سرور آغلار

بو آي چوخ ظلم ايدوبدور قوم کافر
باتوبـدور قانينــه شهــزداده اکبـر

اولـوب مجنـون غـم ليلاي مضطر
دير ايواي اوغول اُول مضطر آغلار

بو آي زينب دوتوب دلدن شراره
اولـوب قـاسم وجـودي پاره‌پاره

آناسـي باغليوبــدور باشـه قاره
او قـاره‌گون توکـر اشگ تر آغلار

کسوب سو يولاريـن قـوم بداختر
سولوب سوز عطشدن غنچه گل‌لر

اَل اوسته اوخلانوبدور تشنه‌ اصغر
اوخ آغـلار ياره آغـلار اصغر آغلار

بو آي اولـدن حسينين عالمـي تار
بو آي جـان ويـردي عباس وفادار

سالوب قوللاريني سو اوسته اشرار
حسين واي قارداشيم واي سويلر آغلار

بو آي آغلار قالوبدور آل ياسين
باتوبــدور قانـه انصـار شه دين

اولـوب دشت بلا قانيلـه رنگين
ايدوبـدور قان ترابي احمر آغلار

بو آي زينب گرفتار غم اولدي
پيمبر گلشني بو آيدا سولدي

ديـار کربــلا قانيــله دولدي
اوقاندان قانه دؤنموش دللر آغلار

بو آي قالـدي شـه لب تشنه يالقوز
يانوب دلدن او قارداشسيز اوغولسوز

وورولـدي قلبينـه بيـر تيــر دلدوز
او زخـم تيـره زخم خنجر آغلار

حسيني ييخدي آتدان اهل کوفه
اولوب آمـاج گـل جسمي سُيوفه

دوشوب قان پرده‌سيندن گون کسوفه
سپـهر دينـه مــاه انـور آغـلار

ديموب قاتل حسين بي‌يار و کسدي
قفــادن باشينـي لـب‌تشنـه کسدي

دوتولدي گون يوزي قاره يِل اسدي
بـو حالـه گويلـر آغـلار يئـرلر آغلار

دوشوب گُل پيکري توپراقلار اوسته
گُل آچميشـدي يارالار دسته دسته

گلــوب بيـر دستـه بلبل دلشکسته
ايدوب اول گل وجودي منظر آغلار

کربلا زمزمه سي 2 - تايب


*****************************


اي شيعه بو آي نظم سماوات پوزولدي
چون قائمه عرش و حجابات پوزولدي

بو آيدا دوشوب محنت و غم عالم آرايه
آز قالـدي که عالـم گيده اي شيعه فنايه

قاره گِينوب چـون بولونوب اهل ولايه
بـو امـر که تهليلده اثبات پوزولدي

گويـا ويريلـوب بـو خبــر عُبّاد جهانه
بو آيدا گرک گوز ياشي گلسون سَيَلانه

طاعتدو بو گوز ياشي گلور بيله گمانه
زاهده‌لر چون رونق طاعات پوزولدي

شيعه اولانون چشمي گرک قانيله دولسون
عِشرت گلي غمدن هامي آفـاقده سولسون

مستانـه خراباتـده هـم بيـرخبـر اولسون
بي پير قالوب بزم خرابات پوزولدي

بير قافله بير حجّه طواف ايتدي بوآيدا
کيم عشقدي معشوقدي بو کعبه سراپا

اوز نفس‌لَرين ويرديله قربان بيله گويا
احـرام منـا رونـق ميقات پوزولدي

بيـر آينـه کيـم جلوه‌لنـوردي لَمَعـاتي
عاشقلـره مأخوذيـدي حقـدن قَبَساتي

ايتميشدي ظهور اوندا خداوند صفاتي
ظلميله يتوب سنگ بومرآت پوزولدي

بو حالت ايـدر شيعه‌ني زينب‌کيمي محزون
کيـم دورموشـودي خيمـه قباقنده اوخاتون

بير يانه باخوب گورمدي قارداشين او مفتون
بيرياندا هـم اوَّلکـي علامات پوزولدي

ناگه کـه قشون گوردي گلـور دسته‌به‌دسته
يغما ايچون الده دوتوب اود خيمه‌لر اوسته

سسلندي که واي اولدي اميديم يولي بسته
يوخسا ندوگيم نظم جماعات پوزولدي

يـوز قتلگهـه دوتــدي او محزونه افکار
سسلندي که آيا گوروسن يا خبرون وار

کيم خيمه‌لره گلدي هامـي قوم ستمکار
اطفالـدن الغـوث که حالات پوزولدي

بير دمده که ايتميشدي اوشه سجده تعفير
معشوقـه ايدوب عاشق کامل سسي تأثير

سسلندي حزين ليک تاپوب حالتي تغيير
بير نوعيله کيم حالت ذرّات پوزولدي

بي‌طاقت اولوب چون سورونوب ايستدي گلسون
وقت اولدي کـه طاقت ايپي زينبدن اوزولسون

سويلوب دگلم بـو ايشه راضي باجون اولسون
گلمه داخي‌کيم زينت جنّات پوزولدي

اول وقتدن افغان که گوروب زينب مستور
بيـر نـور خداونـده اولوب نيزه باشي طور

مـات اولـدي کـه آيا نــدو بو نورٌعلي‌نور
مِصباحدو بو يوخسا که مشکات پوزولدي

وَجهُ‌الله و يا آيت حقـدور اوخـور آيت
دلـدار نواسيلـه قـوروب مَحفل طاعت

زلفون داغدوب سويلدي برپادو نه آيت
کيم دهرده صفحاتدن آيات پوزولدي

يازمـا داخي مادح ايلمز خـامه کفـايت
البتّـه کـه بي‌اجـر دگل ايتمـه شـکايت

سويلر سنه محشر گوني اول‌ شاه ولايت
غم ايتمه که ديوان خطيئات پوزولدي

کربلا زمزمه سي 2 – حالي




موضوعات مرتبط: استقبال از محرماشعار ترکی محرم و صفر

برچسب‌ها: اشعار استقبال از محرم به زبان ترکی
[ 27 / 7 / 1393 ] [ ] [ مهدی وحیدی ]
[ ]
صفحه قبل 1 صفحه بعد